Maxfiylik siyosati

1. Operator

Shaxsga doir ma’lumotlarni qayta ishlaydi. Email: s95939147@gmail.com.

2. Qanday ma’lumotlar yig‘iladi

Ism, email, Telegram yoki Google identifikatori, interfeys tili, o‘quv maqsadlari va eslatma vaqti.

Test javoblari, Writing matnlari, Speaking yozuvlari va ularning matni, ballar va faollik.

To‘lovlar tarixi (karta ma’lumotlari bizda saqlanmaydi), IP manzil va xavfsizlik uchun texnik jurnallar.

Kirish holati va til tanlovi cookie hamda brauzer xotirasida saqlanadi.

3. Nima uchun

Xizmat ko‘rsatish, javoblarni baholash, shaxsiy reja tuzish, bildirishnomalar yuborish, to‘lovlarni hisobga olish va platforma xavfsizligini ta’minlash uchun.

Ma’lumotlar yig‘ilgandagi maqsaddan boshqa maqsadda ishlatilmaydi; maqsad o‘zgarsa, yangi rozilik so‘raladi.

4. Rozilik

Ro‘yxatdan o‘tish orqali siz ushbu siyosatda yozilgan qayta ishlashga rozilik bildirasiz. Rozilikni shu siyosatdagi email orqali yoki akkauntni o‘chirib qaytarib olishingiz mumkin.

18 yoshga to‘lmagan foydalanuvchi uchun rozilikni ota-onasi yoki boshqa qonuniy vakili beradi.

5. Uchinchi tomonlar va chet elga uzatish

Matn va ovoz baholash hamda Bilim bilan jonli suhbat uchun AI va nutqni aniqlash xizmatlariga yuboriladi: hozirda Google (Gemini). Yangi provayder ulansa, u shu ro‘yxatga qo‘shiladi. Bu xizmatlarning serverlari O‘zbekistondan tashqarida joylashgan.

Email Google orqali, Telegram xabarlari Telegram orqali yuboriladi; Google yoki Telegram bilan kirishda shu xizmatlar sizni tasdiqlaydi. To‘lovlar inPAY orqali o‘tadi.

Xizmatdan foydalanish orqali siz ma’lumotlaringiz shu xizmatlarga, jumladan chet elga, yuqoridagi maqsadlarda uzatilishiga rozilik bildirasiz.

Ma’lumotlaringiz reklama maqsadida sotilmaydi. Qonunda nazarda tutilgan hollarda ular vakolatli davlat organlariga berilishi mumkin.

6. Saqlash va xavfsizlik

Asosiy ma’lumotlar bazasi O‘zbekiston hududidagi serverda saqlanadi. Ovozli yozuvlar shaxsni aniqlash (biometrik identifikatsiya) uchun ishlatilmaydi va ularni boshqa foydalanuvchilar ko‘rmaydi.

Ma’lumotlar xizmat maqsadlari uchun kerak bo‘lgan muddatda, akkauntni o‘chirguningizcha yoki rozilik qaytarib olinguncha saqlanadi.

Akkauntni profil sahifasidan o‘chirishingiz mumkin; qonun talab qiladigan to‘lov yozuvlari anonim holda saqlanadi.

7. Huquqlaringiz

Siz o‘zingiz haqingizdagi ma’lumotlar va ularni qayta ishlash haqida bilishingiz, ularni tuzatishni, vaqtincha to‘xtatishni yoki o‘chirishni so‘rashingiz, rozilikni qaytarib olishingiz mumkin. So‘rovni s95939147@gmail.com manziliga yuboring.

Noto‘g‘ri ma’lumot so‘rov bo‘yicha 3 kun ichida tuzatiladi.

Siz vakolatli davlat organiga yoki sudga shikoyat qilishingiz mumkin.